கோளறு பதிகம்

பத்தாவது பாடல்

கொத்தலர் குதலியோடு
விசயற்கு நல்கு
குணமாய வேட விகிர்தன்
மத்தமும் மதியும் நாகம்
முடிமேல் அணிந்து என்
உளமே புகுந்து அதனால்
புத்தரொ டமனை வாதில்
அழிவிக்கும் அண்ணல்
திருநீறு செம்மை திடமே
அத்தகு நல்ல நல்ல
அவை நல்ல நல்ல
அடியா ரவர்க்கு மிகவே.

பொருள்-
பூங்கொத்துக்கள் பரந்த கூந்தலை உடைய உமாதேவியாரோடு, அருச்சுனனுக்கு அருள் செய்த இறைவர், ஊமத்தை மலரையும் சந்திரனையும் பாம்பையும் திருமுடியில் தரித்து அடியேன் உள்ளத்தில் எழந்தருளிய காரணத்தால் இறைவனது திருவெண்ணீறு, புத்தர்களையும், சமணர்களையும் வாதத்தில் தோல்வி அடைந்து கெடும்படி செய்யும். இது உண்மையும், உறுதியும் ஆகும். இதனால் தொண்டர்களுக்கு அவர்களால் வரும் தீயன யாவும் நல்லனவே செய்யும்.