சுலபமானவை

அவல் புலாவ்-
தேவையான பொருட்கள்-
அவல் ----------------------1 கப் [200 கிராம் ]
பெரிய வெங்காயம் ------1[பொடியாக நறுக்கியது]
பச்சை மிளகாய் -----------1 OR 2
பட்டை ---------------------1 சிறிய துண்டு
கிராம்பு---------------------1
ஏலக்காய்------------------1
இஞ்சி ----------------------1 சிறிய துண்டு
பூண்டு----------------------4 பல்
உப்பு ------------------------தேவையான அளவு
கேரட் ----------------------1/4 கப் [பொடியாக நறுக்கியது]
பீன்ஸ் ---------------------1/4 கப் [பொடியாக நறுக்கியது]
கருவேப்பிலை-----------கொஞ்சம்
கொத்துமல்லி------------கொஞ்சம்

செய்முறை-
கேரட், பீன்சை அளவானநீரில் கொஞ்சம் உப்பு போட்டு வேக விடவும்.
அவலை நன்கு களைந்து அளவான நீரில் சரியாக 5 நி ஊற விட்டு வடி கட்டவும்.
இரண்டு ஸ்பூன் வெங்காயம், இஞ்சி, பூண்டு, பச்சை மிளகாய் கொரகொரப்பாய் அரைக்கவும்.
இரண்டு ஸ்பூன் எண்ணையில் பட்டை, கிராம்பு, ஏலக்காய் தாளித்து, கருவேப்பிலை தாளித்து அடுத்து வெங்காயம் போட்டு வதக்கவும்.
பின் அரைத்ததைப் போட்டு பச்சை வாசனை போக நன்கு வதக்கவும்.
அதனுடன் வேக வைத்த காய்கறிகளை போட்டு வதக்கி அதனுடன் அவலைப்
போட்டு நன்கு கலந்து உப்பிடவும். அடுப்பை சிம்மில் வைத்து செய்யவும்.
இறக்கி கொத்துமல்லி தூவவும்.
option- தக்காளி சேர்க்கலாம்.

அவல் உப்புமா-
தேவையான பொருட்கள்-
அவல்----------------------1 கப்
வெங்காயம்---------------1/4 கப் [பொடியாக நறுக்கியது]
பச்சை மிளகாய்------------4
இஞ்சி-----------------------கொஞ்சம் [பொடியாக நறுக்கியது ]
கடலைப் பருப்பு-----------1 ts
உளுந்துப் பருப்பு-----------1 ts
வறுத்த வேர்க்கடலை-----2 ts
கருவேப்பிலை-------------கொஞ்சம்
எண்ணை-------------------2tbs
உப்பு-----------------------தேவையான அளவு
செய்முறை-
அவலை நன்கு களைந்து ஐந்து நி நீரில் ஊற வைக்கவும். பின் வடிகட்டவும்.
ஒரு கடாயில் எண்ணை ஊற்றி அதில் கடுகு, பருப்புகள் தாளித்து வெங்காயம் போட்டு வதக்கி அதனுடன் கருவேப்பிலை, மிளகாய் சேர்த்து வதக்கவும்.
உப்பிட்டு வதக்கி அதனுடன் வேர்க்கடலை சேர்க்கவும்.
அவுலைப் போட்டு 2-3 நி சிம்மில் வதக்கவும்.
இறக்கி கொத்து மல்லி போடவும்.

option- இறக்கும் போது துருவிய தேங்காய் சேர்க்கலாம்.
அரை மூடி எலுமிச்சை சாறு சேர்க்கலாம். அதுவும் அடுப்பிலிருந்து இறக்கி சிறிது ஆறியதும் சேர்க்க வேண்டும்.